സുഭദ്രമാമൊരോർമ


ഉഷസ്സ് കൊഴിഞ്ഞ മോഹശിഖരങ്ങളിൽ മൊട്ടിട്ട പ്രണയ പുഷ്പമേ

ഉണർവാം രാഗസന്ധ്യയിലോരൽപ്പനേരമെനിക്കായി പകുത്തുവെക്കാമോനീ

ഇനിയില്ലോരിക്കലുമീ പ്രണയഭൂവിലോരു നിമിഷാർദ്ദ നേരം പോലുമോമലാളെ

ചേർന്നിരിക്കൂ പ്രിയ കാമിനി ഒരൽപ്പനേരമെന്നിലേക്കൊന്നുകൂടി

വെന്തൊന്നു മൃതിയടയട്ടെ ഞാൻ നിൻ നിശ്വാസ താപമേറ്റെന്റെ ആശാപൂർണ്ണിമേ

ഇനി ഞാനൊന്നുണർന്ന് നോക്കട്ടെ എന്നിലെ നിന്നെയും നിന്നിലെ എന്നെയും

ഹാ! മഹാഭാഗ്യവതി നീ എൻ ഹൃദയപുഷ്പമേ എന്നിൽ ഇന്നും നീ സുഭദ്രമല്ലയോ.

----------- അനൂപ് ശിവശങ്കരപ്പിള്ള 
Location: Thiruvananthapuram, Kerala, India

Comments

Post a Comment

Popular posts from this blog

അവൾ എനിക്കൊരു കെട്ടുകഥ

Image
എനിക്ക് അവളോട് എന്താണ് പറയാനുള്ളത് ?  അറിയില്ല... ചിലരുടെ ഓർമ്മകൾ നമ്മൾക്ക് ഒരു കെട്ടുകഥ പോലെയാണ്. അവരുടെ ഓർമ്മകൾ നമ്മളെ വല്ലാതെ വിഷമിപ്പിച്ചു കൊണ്ടേയിരിക്കും. ഒരുപക്ഷേ അത് നമ്മൾ പോലുമറിയാതെ അവർ നമ്മളിൽ  ശൃഷ്ടിക്കുന്ന ഒരു ശൂന്യമായ ഏകാന്തത കൊണ്ടാവാം. അത്തരത്തിൽ ഒരു കെട്ടുകഥയുടെ പിന്നാലെ ഞാനും നടന്നു, അല്ലെങ്കിൽ നടന്നുകൊണ്ടിരിക്കുന്നു.  അവളുടെ ഓർമ്മകൾ, വാക്കുകൾ, രൂപം, ... അവയൊക്കെ മഞ്ഞുള്ള മകരമാസ രാത്രിപോലെ എന്റെ ചിന്തകളെ അശാന്തമാക്കുന്നു. അവൾ എനിക്കാരാണ് ?  ഞാൻ എന്നോട് തന്നെ ചോദിച്ചു.  ഇതേ ചോദ്യം ഞാൻ അവളോടും ചോദിച്ചു. രണ്ടിനും ഉത്തരമില്ല... പക്ഷേ  ഒന്നുറപ്പാണ് അവൾക്കും എനിക്കും ഇടയിൽ എവിടെയോ അരൂപിയായ ഒരു നിശബ്ദത  തപസ്സു ചെയ്യുന്നുണ്ട് . അവളിന്ന് വർഷകാലത്തെ മഴത്തുള്ളികൾ പോൽ എന്റെ ഓർമ്മകളുടെ പനിനീർ മൊട്ടുകളെ നിരന്തരമെന്നവണ്ണം പുണർന്നുകൊണ്ടേയിരിക്കുന്നു. പ്രിയ ഇന്നലകളെ എനിക്കാ  പോയകാലം  തിരിച്ചുവേണം. ഒപ്പം ഒരുപിടി ഉത്തരങ്ങളും. --- അനൂപ് ശിവശങ്കരപ്പിള്ള (എന്റെ ഡയറിക്കുറിപ്പ് 23 - 01...
Read more

വയൽ കാഴ്ച

Image
ഒരു കാലത്ത് നമ്മുടെ നാട്ടിൻപുറങ്ങളിൽ സമൃദ്ധമായിരുന്ന നെൽവയലുകൾ ഇന്ന് കാണാതായിരിക്കുന്നു. കൃഷി നഷ്ടമായതോടെ പലരും കൃഷി വിട്ട് മാറ്റ് തൊഴിൽ മേഖലകൾ തേടിപ്പോയി അതോടെ നമ്മുടെ നെൽവയലുകൾ തരിശായി. അതിനേക്കാൾ ഭീകരം റിയൽ എസ്റ്റേറ്റ് മാഫിയയുടെ കൈയിൽ പെട്ട് പണ്ട് വയലായിരുന്ന പ്രദേശങ്ങൾ പലതിലും ഇന്ന് ഫ്ലാറ്റ് സമുച്ഛയങ്ങൾ മുളച്ചുപൊന്തി എന്നതാണ്. ഈ ദാരുണ അവസ്ഥയിലും നെൽകൃഷി തുടർന്ന് കൊണ്ടുപോകുന്ന അപൂർവ ഇടങ്ങൾ നമ്മുടെ നാട്ടിലുണ്ട് അത്തരത്തിൽ ഒരു പ്രദേശമാണ് കൊല്ലം ജില്ലയിലെ പട്ടാഴി. കൊല്ലം ജില്ലയിലെ പത്തനാപുരം താലൂക്കിലെ പട്ടാഴിയിൽ നിന്നും ഒരു വയൽ കാഴ്ച. ചിത്രം : കൊല്ലം ജില്ലയിലെ പത്തനാപുരം താലൂക്കിലെ പട്ടാഴിയിൽ നിന്നും. --- അനൂപ്‌ ശിവശങ്കരപ്പിള്ള 
Read more

എന്റെ പ്രണയത്തിന്

Image
നിന്റെ വിയർപ്പിൽ പൂത്ത പൂക്കളാണ് പ്രിയപ്പെട്ടവളെ ഇന്നും എന്റെ മനസിന്റെ വസന്തം നിന്റെ മുടിത്തുമ്പ് തൊട്ട് നീ എഴുതിയ കാവ്യമാണ് ഇന്നും എന്റെ ജീവഗ്രന്ഥം നീ അന്ന് പകർന്ന് നൽകിയ ചുടുചുംബനങ്ങളാണ് ഇന്നുമെന്റെ സിരകളെ ത്രസിപ്പിക്കുന്നത് നിന്റെ നീര്മിഴിപീലിയിൽ നീ കാത്തുവച്ച എന്നോടുള്ളൊരാ അനുരാഗമൊന്നുകൂടെ നുകരാനെനിക്ക് ഇന്നിന്റെ നിലാരാത്രിയിൽ തിടുക്കമെന്റെ കാർമുകിൽ പെണ്ണാളേ... നിന്നിലെ കാട്ടുചെമ്പകത്തൊടിയിൽ വിരുന്നെത്തുമൊരു രാക്കിളിയുടെ പുതുരാഗമാകട്ടെയോ ഞാൻ പ്രിയതമേ. ----- അനൂപ്‌ ശിവശങ്കരപ്പിള്ള 
Read more