ഇല്ലാത്ത ഒന്ന്
നഷ്ടപ്രണയം ഇല്ലാത്തത് കൊണ്ടാണോ സഖാവേ നിന്റെ എഴുത്തുകളിൽ പ്രണയമില്ലാത്തത് എന്ന ചോദ്യത്തിന് എന്നും എന്റെ ഉത്തരം ഒരു ചെറുചിരിയായിരുന്നു. എന്നിൽ മാറ്റമില്ലാത്തത് അതുമാത്രം. എന്റെ തൂലികയ്ക്കും താളിനുമിടയിൽ പ്രണയം മോഷ്ടിക്കപ്പെടുന്നൂ.
നാളമണഞ്ഞ നിഗൂഢത
മെഴുകുതിരിനാളം പറഞ്ഞകഥ ജീവിതമാണ്. ഞാൻ തിരികെ നാളത്തോട് പറഞ്ഞതകഥ ആ ജീവിതം മനസ്സിന്റെ ബലിക്കല്ലിൽ കോറിയിട്ട ഓർമ്മകളുടെതായിരുന്നു. എന്റെ കഥ കേട്ടിരുന്ന നാളം എപ്പോഴോ നിശബ്ദമായി. നാളമണഞ്ഞ നിഗൂഢ അന്തകാരത്തിന്റെ നടുവിലിരുന്ന് ഞാൻ പുതിയ ഒരോർമയ്ക്കു കൂടി ബലിച്ചോറുരുട്ടി. ബലിയുരുളകൾക്ക് നടുവിൽ ശൂന്യതയുടെ ഉത്തരത്തിൽ തൂങ്ങിമരിച്ച വെളിച്ചത്തിന്റെ പുനർജ്ജനിക്കായി ഞാൻ കൺതുറന്ന് കാത്തിരുന്നു. --- അനൂപ് ശിവശങ്കരപ്പിള്ള
Comments
Post a Comment